Friday, March 4, 2011
Categorized | Maraland news
Foreign lâ raihria achhuahpazy asohsi kaw byuh
3:54 AM
SIAHA, Pami 3 (Maraland)- Râh hropa lâ rai hria awpa ta sie âchhuahpazy châta asohsi kaw awpa a byuh. A eih pachaipa ta ochhôh-lyuka châta raihriatuhpa tlyma, chyhsa ypâpa rai hria awpa (domestic worker) ta sie âchhuahpazy châta a peimawh via pachai.
Tahmâ hlâ he chyhsa thokhazy ta Râh hropa (foreign) lâta raihria theina, a eih viapa ta ochhôh-lyuka châta raihriatuhpa tlyma, chyhsa ypâpa rai hria awpa (domestic worker) ta a sie khopazy châta lâpi taopa thei awpa hawhta â reihpa agent Mizoram State chhôh nata Mara râh lia taih chhaota ama y hôlôpa hawhta bie daopa a châ.
He hawhpa agent nahzy heta thyudyupa (satlia nata laihsa) raihriana hneileipazy cha hlao pha kawpazy reipahmôpa ta aru lâta rai ama hria ngâ hai. He hawhta asie khopazy cha ama sie vawna mâ awpa nata foreign ama tlôna taihta ama hryuna zydua (travel expenses) âtôh khai awpa ta bie amâ taih hleikhô ta, tao byuh hropazy i.e. Medical test, Visa, etc. zy vaw patohtiapa khei ta, ama hryuhna zydua chhao agent nahzy heta âtôhpa khai awpa ta bie amâ taih hra.
Agent nahzy heta bie amâ taihpa hawhna tlai heta ama sie vawna nata tao byuhpazy taona liata ama hryuna zydua châ âtôhpa khai tlai hra ei ta; anodeikua, râh hropa ama tlô tawhta rai ama pahriasapazy deikua amâ hnabeiseihna hawhta châ khao tyh leipa ta, anano kaw tyhpa alyu! He hawhpa ‘agent’ nahzy heta atlâhpipa ta chanô, laihsa thyudyupazy amâ nua khoh via pachaipa ta reipa a châ hra. He hawhta ama pasiesapa (paphaopa) nahzy he atlâhpipa ta Middle East râhzy lâta châ chai ta (Saudi Arabia, Iran, etc. zy lâta a châ tyh), US, Australia, Europe nata democracy râh pha kawpazy a châ leipa ta pahnopa a châ.
Human Trafficking a châ awpa ta pangiasana chhâpazy:
1. Passport he Nepali nahzy nata eimâ lyukawpa vâta Nepali passport ama taopa. India passport-zy chhao ama taopa thei hra aw.
2. Bietaipa ama hneipa liata raihria pasaina Work Permit- Visa alyu kaw nota a hmeiseihpa ama vaw piepa he khih tlypasaina Visit/Tourist- Visa, noh sychaki (90 days stay) dei âdaihpa a châ.
3. Hlao hmeiseihpa bitaipa y leipa ta, he he agent nahzy chhaota asiap ta reih ngai hra veih ei.
4. Rai ama hriana liata palôhtlâh leinazy hnei ei sala, siesai awpa tlyma, thyusai awpa tlyma châsala abohna (security) sia kawpa y aw vei. Agent-zy ta bie âtaih ngâh hra aw vei ei, etc, etc.
Asie khohpa nata sie awpa ta pahruatuhpa ahneipazy châ, ama sie hlâta hmo yzie pahno viapa nata châthaipazy hnota ama document-zy liahsa pamosapa ta thâtih siapa âchu tua tyh ei sala, abohna pha kawpa a châ aw. Cha hawhta a châvei khiahta cha, eima râh ama puasai khaoh tawhta agent nahzy ta Work permit/visa hawhta ama reipazy cha Visit/Tourist Visa zy avaw châ pathlei tita cha râh hropa ama va tlô tita rairuna hluhpi amâ tyh thei. Achhâpa cha, ama Passport kha avaw hruatuh (foreign lâta rai ama va hriana awpa, ama Boss eima tah thei aw) penawhzy ta lapa khai ha aw eita, ama Visit visa a chhâ tita cha passport nata phusa zy ama pie vei khiahta cha âmo (ama Boss nahzy) khodâh hawhta ybâ awpazy a byuh aw.
He he human trafficking yzie cha a châ. Ama tlô tawhta ama Boss nawhzy ta ama passport (khihtly theina document) ama lapa khai hapa vâta âmo ku liata ama pahni ha bâ. Chavâta, agent to chhao he ngâ khai awpa chi châ leipa ei ta, pahnopasia ta, âchu pasia khai tawhta sie tyh awpa he abohna kaohkhâ pha chaipa a châ. He hawhpa agent ngâchhih leipazy hmâpa ta asiepazy he hluhpi cha hmodoleipa lâta amâ chhi tyh tahpa chhao thâtih nano nanopa tawhta eima dao tyh hra.
He hawhta âki chochâ lei kawna chôta ‘PAHNOSANA’ eima vaw taona chhâpa cha, Marasaw he hawhpa kyh liata rairuna âvaw tyh chiehpa, vâhnei chhih kawpa ta Visa zy chhao hmôkhaipa a châ tawhta âdoveina a châ tahpa ama pahnopa vâta asie khao leipa, âvaih hmâ hapa chhao eima ypa vâta he hawhpa lâchhâh liata Mara sawzy eimâ sohsi via thei n’awpa ta pahnosana he vaw taopa a châ.
He hawhpa kyh liata Mara sawzy eimâ râro via nawpa nata asohsi via nawpa, eima pahno awpa peimawhpa nata byuh hropazy hluhpi y aw ta, Comment lâ tawhta nama pachânazy vaw reih lymâ hra ula aly âchhih kaw aw.
Related:
* Requirements documents for Domestic Workers including Housemaids (Visa 20)
* He acho liata link tawh chhao heta Nepali citizen hawhta asiepazy chhao document nata contract yzie hnei kawpazy hneipa ta asiepazy châta cha amâ boh kaw aw tahpa na pahno thei aw.
Source: Maraland.net (Pasaina la khai tawhta papuapa a cha)
 |
| (For illustration purpose only: File photo of domestic workers in Lebanon). |
He hawhpa agent nahzy heta thyudyupa (satlia nata laihsa) raihriana hneileipazy cha hlao pha kawpazy reipahmôpa ta aru lâta rai ama hria ngâ hai. He hawhta asie khopazy cha ama sie vawna mâ awpa nata foreign ama tlôna taihta ama hryuna zydua (travel expenses) âtôh khai awpa ta bie amâ taih hleikhô ta, tao byuh hropazy i.e. Medical test, Visa, etc. zy vaw patohtiapa khei ta, ama hryuhna zydua chhao agent nahzy heta âtôhpa khai awpa ta bie amâ taih hra.
Agent nahzy heta bie amâ taihpa hawhna tlai heta ama sie vawna nata tao byuhpazy taona liata ama hryuna zydua châ âtôhpa khai tlai hra ei ta; anodeikua, râh hropa ama tlô tawhta rai ama pahriasapazy deikua amâ hnabeiseihna hawhta châ khao tyh leipa ta, anano kaw tyhpa alyu! He hawhpa ‘agent’ nahzy heta atlâhpipa ta chanô, laihsa thyudyupazy amâ nua khoh via pachaipa ta reipa a châ hra. He hawhta ama pasiesapa (paphaopa) nahzy he atlâhpipa ta Middle East râhzy lâta châ chai ta (Saudi Arabia, Iran, etc. zy lâta a châ tyh), US, Australia, Europe nata democracy râh pha kawpazy a châ leipa ta pahnopa a châ.
Human Trafficking a châ awpa ta pangiasana chhâpazy:
1. Passport he Nepali nahzy nata eimâ lyukawpa vâta Nepali passport ama taopa. India passport-zy chhao ama taopa thei hra aw.
2. Bietaipa ama hneipa liata raihria pasaina Work Permit- Visa alyu kaw nota a hmeiseihpa ama vaw piepa he khih tlypasaina Visit/Tourist- Visa, noh sychaki (90 days stay) dei âdaihpa a châ.
3. Hlao hmeiseihpa bitaipa y leipa ta, he he agent nahzy chhaota asiap ta reih ngai hra veih ei.
4. Rai ama hriana liata palôhtlâh leinazy hnei ei sala, siesai awpa tlyma, thyusai awpa tlyma châsala abohna (security) sia kawpa y aw vei. Agent-zy ta bie âtaih ngâh hra aw vei ei, etc, etc.
Asie khohpa nata sie awpa ta pahruatuhpa ahneipazy châ, ama sie hlâta hmo yzie pahno viapa nata châthaipazy hnota ama document-zy liahsa pamosapa ta thâtih siapa âchu tua tyh ei sala, abohna pha kawpa a châ aw. Cha hawhta a châvei khiahta cha, eima râh ama puasai khaoh tawhta agent nahzy ta Work permit/visa hawhta ama reipazy cha Visit/Tourist Visa zy avaw châ pathlei tita cha râh hropa ama va tlô tita rairuna hluhpi amâ tyh thei. Achhâpa cha, ama Passport kha avaw hruatuh (foreign lâta rai ama va hriana awpa, ama Boss eima tah thei aw) penawhzy ta lapa khai ha aw eita, ama Visit visa a chhâ tita cha passport nata phusa zy ama pie vei khiahta cha âmo (ama Boss nahzy) khodâh hawhta ybâ awpazy a byuh aw.
He he human trafficking yzie cha a châ. Ama tlô tawhta ama Boss nawhzy ta ama passport (khihtly theina document) ama lapa khai hapa vâta âmo ku liata ama pahni ha bâ. Chavâta, agent to chhao he ngâ khai awpa chi châ leipa ei ta, pahnopasia ta, âchu pasia khai tawhta sie tyh awpa he abohna kaohkhâ pha chaipa a châ. He hawhpa agent ngâchhih leipazy hmâpa ta asiepazy he hluhpi cha hmodoleipa lâta amâ chhi tyh tahpa chhao thâtih nano nanopa tawhta eima dao tyh hra.
He hawhta âki chochâ lei kawna chôta ‘PAHNOSANA’ eima vaw taona chhâpa cha, Marasaw he hawhpa kyh liata rairuna âvaw tyh chiehpa, vâhnei chhih kawpa ta Visa zy chhao hmôkhaipa a châ tawhta âdoveina a châ tahpa ama pahnopa vâta asie khao leipa, âvaih hmâ hapa chhao eima ypa vâta he hawhpa lâchhâh liata Mara sawzy eimâ sohsi via thei n’awpa ta pahnosana he vaw taopa a châ.
He hawhpa kyh liata Mara sawzy eimâ râro via nawpa nata asohsi via nawpa, eima pahno awpa peimawhpa nata byuh hropazy hluhpi y aw ta, Comment lâ tawhta nama pachânazy vaw reih lymâ hra ula aly âchhih kaw aw.
Related:
* Requirements documents for Domestic Workers including Housemaids (Visa 20)
* He acho liata link tawh chhao heta Nepali citizen hawhta asiepazy chhao document nata contract yzie hnei kawpazy hneipa ta asiepazy châta cha amâ boh kaw aw tahpa na pahno thei aw.
Source: Maraland.net (Pasaina la khai tawhta papuapa a cha)
Subscribe to:
Post Comments (Atom)
0 Responses to “Foreign lâ raihria achhuahpazy asohsi kaw byuh”
Post a Comment